Təhsil Nazirliyi tətil günləri ilə bağlı açıqlama verib. Cari tədris ilində orta məktəblərin tətil günlərində heç bir dəyişiklik edilməyəcək.
Nazirlikdən verilən məlumata görə, Nazirlər Kabinetinin Azərbaycanda dərs ilinin müddətinin uzadılması ilə bağlı qərarı gələn tədris ilindən etibarən icra olunacağından, 2014-2015-ci tədris ilində məktəblilərin payız, qış və yaz tətillərinə heç bir dəyişiklik edilməyib.
TN-dən verilən məlumatda o da qeyd olunur ki, 2014-2015-ci dərs ilində payız tətili günləri noyabrın 12-də başlayacaq, noyabrın 17-də isə başa çatacaq. Bu il həm 5 günlük, həm də 6 günlük məktəblərdə tətil günləri eyni olacaq. Dərslər noyabrın 18-də başlayacaq.
Qeyd edək ki, Nazirlər Kabinetinin qərarına əsasən, gələn ildən dərs ili iki yarımilə bölünəcək, birinci yarımil 15 sentyabr - 26 yanvar, ikinci yarımil - 1 fevral - 14 iyun tarixlərini əhatə edəcək. Dərs ili ərzində 5 gün payız tətili (16-20 noyabr), 5 gün qış tətili (27-31 yanvar) və ibtidai siniflər üçün 5 günlük (1-5 may) əlavə yaz tətili müəyyən ediləcək.
Nazirlikdən verilən məlumata görə, Nazirlər Kabinetinin Azərbaycanda dərs ilinin müddətinin uzadılması ilə bağlı qərarı gələn tədris ilindən etibarən icra olunacağından, 2014-2015-ci tədris ilində məktəblilərin payız, qış və yaz tətillərinə heç bir dəyişiklik edilməyib.
TN-dən verilən məlumatda o da qeyd olunur ki, 2014-2015-ci dərs ilində payız tətili günləri noyabrın 12-də başlayacaq, noyabrın 17-də isə başa çatacaq. Bu il həm 5 günlük, həm də 6 günlük məktəblərdə tətil günləri eyni olacaq. Dərslər noyabrın 18-də başlayacaq.
Qeyd edək ki, Nazirlər Kabinetinin qərarına əsasən, gələn ildən dərs ili iki yarımilə bölünəcək, birinci yarımil 15 sentyabr - 26 yanvar, ikinci yarımil - 1 fevral - 14 iyun tarixlərini əhatə edəcək. Dərs ili ərzində 5 gün payız tətili (16-20 noyabr), 5 gün qış tətili (27-31 yanvar) və ibtidai siniflər üçün 5 günlük (1-5 may) əlavə yaz tətili müəyyən ediləcək.
